MOKABAT na sa halos 400 indibidwal ang nakaangkon sa ikaduhang dose booster shot batok Covid-19, human nagsugod ang pagbakuna sa immunocompromised nga indibidwal, health care workers ug senior citizens atong Mayo 23.
Base datus gikan sa official LGU-GenSan Domingo, naa na sa 391 katao ang natukoran na og second booster shots samtang 66,117 ang nakaangkong sa unang booster shot. Ang siyudad ang naka-administer na og naa sa 863,787 Covid-19 vaccine doses ug nakarekord og 399,074 o 74.13% gikan sa target population. Makabakuna sa second dose sa Lagao Gymnasium, Vaccine Operation Center;Rural Health Unit Vaccination ug sa mega vaccination sites sa mga malls sa siyudad.
Ang brand sa bakuna nga giaprubahan sa Food and Drug Administration ang paghatag og Emergency Use Authorization (EUA) alang sa second booster doses nga gamiton sa healthcare workers ug senior citizens mao ang Moderna ug Pfizer. Ang second booster shot ang ginahatag upat kabulan human naangkon ang unang dose. Tumong ang mahatagan og dugang protektesyon ang mga nasangpit gikan sa virus ug tanang variants sama sa omicron subvariant BA.2.12.1. I Richel Gubalani