BINTAHA alang sa mga legitimate vendors ang paghinlo sa palibot sa central public market ilabi na ang pagpabalhin sa matud pa sa mga laray vendors ngadto sa Alunan Bagsakan.
Kahinumdumang usa sa mga mulo kaniadto sa mga vendors sulod sa merkado publiko ang pagdagsa sa mga laray vendor sa gawas nga bahin rason nga kadaghanan sa mga mamalengke ang dili na mulahos sa sulod rason nga hinay ang palit sa ilang mga paninda.
Kahinumdumang ang mga mga vendors sa sulod sa merkado publiko ang matud pa gahatag og buwis. Pero bisan pa man susama lamang silang nanginabuhi og angayang hatagan og maayong lugar aron makapdayon sa ilang pagpanginabuhi Samtang gibutyag ni Lito Esclamado ang Market administrator nga kadtong mga legitimate vendors o ga renew ug gabayad sa ilang mga taxes ang ilang gina recognize.
Gipaniguro usab ni Esclamado nga 24/7 ang monitoring sa ilang area aron dili na masubli pa ang pagpatukod og mga stalls sa mga laray vendors sa basinidad sa Central Public Market. I MJ Fernandez