MAKAANGKON og tinud-anay nga kalipay kung motabang sa mga nanginahanglan.
Kini ang gipunto ni Brigada Elmer V.Catulpos nga sama sa ginahimo sa mga miyembro sa KaBrigadahan GenSan nga pinaagi sa ilang pagtampo tampo og singko singko ilang natabangan ang mga miyembro nga may mga problema alang sa pagpatambal, namatyan og kabanay ug uban pang panginahanglanon.
Bisan sila Atty Kan Balleque ug Abel Sosobrado ang mipadayag usab sa ilang panglantaw sa kamahinungdanon sa pagtabang sa isig katawo.
Alang kang Atty.Kan mas maayo ang motabang kaysa nga ikaw ang tabangan ug siyempre bisan dili usab tanan nahatag ang tabang nga gipangayo, nakapalipay na kini sa gitabangan.
Alang usab kang Kagawad Abel, ang pagtabang bisan ginagmay, bation sa nagtabang ang kalipay, sama niya nga miyembro usab sa KaBrigadagan.
Sa bahin ni Brigada Elmer, ang mga gitabangan magpasalamat sa Ginoo ug apil ka nga ilang iampo nga panalanginan ang tawo nga mitabang kanila, ug nilibo ang maoy moampo hinungdan nga blessings usab kini.