LAING 141 ka mga katawhan ang natabangan sa KaBrigadahan GenSan pinaagi sa pag-amot amot sa mga miyembro adlawng Sabado.
Mismo si Brigada Elmer V.Catulpos ang nanguna sa pagpasalamat sa mga mitabang dili lang mga miyembro sa KaBrigadahan apan sa mga adunay maluluy-on nga kasing kasing.
Sa 141 ka mga natabangan sa ilang pagpatambal, mortuary ug uban pa, natigom ang dul-an sa P500,000 nga gibahin ngadto kanila.
Alang kang Brigada Elmer ug co-host niini niadtong Sabado nga silang Atty.Kan Balleque ug Kagawad Abel Sosobado bisan ginagmay nga nahatag, hugot na kining gipasalamatan sa mga nagkinahanglan.
Gani alang kanila, mga bayani ang mga miyembro sa KaBrigadahan tungod halos kada semana sila nga gatabang sa ilang mga kaubanan nga nagkinahanglan og tabang.
Tulo sa 141 nga natabangan ang nagpasalamat, sama ni Lydia Gerdor, taga Brgy.Fatima, inahan ni Jimmy Gerdor nga alang sa operasyon sa kasing kasing sa iyang anak.
Lakip nagpasalamat si Pyette Villarin nga taga Brgy.San Isidro, na ang asawa naoperahan sa ulo tungod sa meningitis ug nagkinahanglan og tambal ug si Laura Caballero, community officer, nga nangayo og tabang alang sa pag-umangkon nga may polio aron adunay magamit crutches.