Padayon ro pag-usoy it mga kapulisan sa leading person-of-interest nga pumatay sa manager-reliever it RD Pawnshop Kalibo branch.
Matandaan nga si Mark Archie Torrefiel, 31 anyos, ro ginaturo nga pumatay kay Bonna Hercia Ambay ku Hunyo 5.
Base sa reports it mga kapulisan, si Torrefiel hay may kaso nga robbery ku 2021 sa Pasig ag theft ku 2015 sa Batan, Aklan. Sambilog man raya ka drug surrenderee it Oplan Tokhang ku 2016.
Presente nga nagapadayon ro pag-usoy it mga tracker team sa minatuod nga lokasyon ni Torrefiel.
Nagpanawagan man ro Kalibo MPS sa publiko nga magta-o it impormasyon sa anda nga makabulig sa pasulbar sa kaso ni Ambay./JIL B. LACSON