Gilaumang mapalig-on pa unya ang paghatod og serbisyo ug pagrespondi sa City of Mati Bureau of Fire Protection sa tanang matang sa kalamidad sa itukod nga bag-ong gambalay.
Kini nunot sa nahitabong groundbreaking ceremony niadtong Miyerkules sa pagatukurong modern fire station nga mahimutang sa 1,000 square nga luna sa Magapo nga gidonar sa City LGU.
Ang maong proyekto gipondohan og P19 million nga gikan sa national budget kung diin kontraktor iini mao ang
Prismodial Construction Corporation.
Sumala kang Mayor Michelle Rabat, dakong tabang ang bag-ong fire station dili lamang sa mga taga Mati CIty apan lakip na usab sa mga kasikbit nga mga lugar.
Pila ka oras usab human sa groundbreaking ceremony, niulbo ang sunog sa lungsod sa Tarragona nga daling girespondihan sa Mati City BFP apan nidanyos ug napulo ka panimalay. BNFM-DAVAO
