LEGAZPI CITY – Kinumpirmar kan Albay Police Provincial Office (PPO) na may kinaraman sa papaabot na eleskyon an insidente kan pambabadil-gadan kay Alex Repato, punong barangay kan Brgy. San Jose, Libon, Albay.
Segun kay PPO Provincial Director, PCol. Fernando L. Cunanan, Jr., makalihis ini kan isinagibong validation kan team manungod sa pangyayari.
Dugang pa niya, pigrekomendar na ninda ini sa regional office asin laog su boot ini sa kategorya na iniluwas kan COMELEC na nagkrear nin takot sa mga residentes kan banwaan.
Mientrastranto, sinabi man ni Cunanan, igwa na sinda ki person of interest dapit sa insidente basado sa nakua nindang CCTV footage.
Sa ibong kaini, pigklaro man kan direktor na dai man magkakaigwa nin electoral disruption.