Garbo karon sa Caraga Region human nga nakasulod sa Top 50 ang representante sa Caraga Region alang sa 2021 Miss Universe Philippines pageant partikular ang gikan sa sa La Paz, Agusan del Sur nga si Hershey Gail Dacera.
Matud pa niini nga dakong ang iyang pagpasalamat sa dako nga oportunidad nga iyang natagamtaman karon nga mamahimong pambato sa iyang rehiyon kini base na usab sa resulta sa fan votes kauban ang Miss Universe Philippines Organization judges.
Gipaambit usab niini nga ang iyang pag apil sa prestihiyoso pageant ubos matud pa sa iyang ideya nga pamatud-an ang iyang kaugalingon sa ubang tawo. Gani sa matag-lakang matud pa niya, dala niya ang storya sa iyang gigikanan ingun man ang iyang kultura ug ang iyang mga supporters nga maoy nagdala kaniya aron mas maningkamot tungod sa nakita niya nga responsibilidad ug katuyu-an.