LEGAZPI CITY – Pinagpeprepararan na kan lokal na gobyerno kan Camalig an papaabot na Paskuhan sa banwaan na mapuon sa Disyembre 1.
Nakalinyada na man an mga aktbidad katakod digdi siring kan local trade fair, beer plaza, asin an pagkakaugwa nin food stalls.
Mientrastanto, bilang parte kan preparasyon nagsagibo an lokal na gobyerno nin tactical meeting kairiba an mga personahes kan MDRRMO, PNP, BFP, asin iba pang opisina nganing siyertuhon an seguridad kan mga turista pati an gabos na mapartisipar asin magin matoninong an aktibidad hasta sa ini matapos.