TAKDANG sugdan ang Brigada at Pulis Libreng Gupit sa Barangay,
Kini ang gikumpirma mismo ni PCol.Jomar Alexis Yap, acting City Director sa General Santos City Police Office kun GSCPO nga ginaplastar na ang tanan alang sa maong partnership.
Maayo matud pa ang maong tumong sa pakig-alayun sa Brigada ug kapulisan sa GenSan aron mas daghan ang makabenepisyo nga mga katawhan.
Gidugang ni Yap nga kada semana sila gapahigayon og outreach program ug ang libreng gupit ang usa sa ilang ginahatod sa mga katawhan.
Makatabang na usab matud pa kini sa mga anaa sa layong lugar nga dili na mulugsong sa sentrong bahin sa syiudad aron makapagupit, gawas nga makadaginot sila sa gastos tungod libre kining ihatag sa kapulisan ug sa partner nga Brigada. Giangkon usab ni Yap, basin usa siya sa magboluntaryo nga mugupit tungod sukad pa kaniadtong 2005, siya na mismo ang gagupit sa iyang buhok ug bisan sa iyang mga anak, siya usab gahimo niini.