PERSONAL grudge o bangi nga gikalambigitan sa mga gipamusil ang gisundan nga motibo sa kapulisan sa GenSan. Human ang nahitabong pagpamusil sa national highway, Purok Darusalam, Barangay Bawing alas-2 sa hapon Sabado.
Matud ni PMajor Ananias Vasquez, hepe sa Tambler Police Station, dili pa niya masulti ang dugang detalye kalabut sa gisundan nga motibo. Kini dungan sa gilusad nga imbestigasyon nila sa pakig-alayon sa kapulisan sa Tupi, South Cotabato.
Kahibaloan, gikan sa usa ka beach resort sa Maasim, Sarangani Province ang upat ka lalaking sakay sa pick-up dihang gipaarakan sa duha ka lalaking sakay sa motorsiklo.
Dead on arrival si Johnrey Samad Banto ug Sari Aminola Kalamonggi samtang samaron silang Ressan Alawaddin Uday ug Rasid Uday Acad, pulos nagpuyo sa Purok 1 Barangay Palian, Tupi. I Richel Gubalani