Tuluyan nang binasura ng Korte Suprema ang mga petisyon na layong ipa-disqualify ang kandidatura ni President-elect Bongbong Marcos – dalawang araw bago ang pormal nitong panunumpa.
Sa botong 13 – 0, unanimous na pinayagan ng Kataastaasang Hukuman ang pag-upo ni Marcos bilang ika-17 Pangulo ng Republika ng Pilipinas.
Ang rulling ay aprubado ni Supreme Court Justice Rodil Zalameda.
Nag-inhibit naman sina Justices Henry Paul Inting at Antonio Kho.
Matatandaang si Kho ay dating commissioner sa COMELEC; habang si Inting ay kapatid ng kasalukuyang acting chairman ng poll body na si Socorro Inting.
Inihain ang petisyon sa ng mga civic leaders sa pangunguna nina Fr. Christian Buenafe, at nire-represent ni dating SC spokesperson Atty. Theodore Te.
Mayroon ding hiwalay na petisyon mula naman sa mga martial law victims sa pangunguna ni Bonifacio Ilagan.
#