Padayon pa karong ginakugod sa mga otoridad ang piniriso nga si Angelo Nacion Gazi kinsa nisibat kagahapon sa buntag atol sa iyang Hearing sa Regional Trial Court, Capitol Hills, Brgy. Central, Mati City.
Sa latest nga impormasyon nga nakuha sa Brigada News gikan sa usa sa mga Jail guards nga migukod, gibutyag niini nga nakita nila ang sinina nga nagkadugo ug ang sapatos nga gisuot ni Gazi diha sa may Echavia, Barangay Matiao ning dakbayan.
Dugang pagbutyag sa opisyal, nananghid lang matud pa kining mangihi human niining nahibal-an ang hukom kaniya nga reclusion perpetua o walay kagawasan gumikan sa kasong Child Marriage, Statutory Rape & Other Acts of Child Abuse .
Nasayran usab nga gipasalbahan pa kini sa mga Jail Guards samtang mituratoy og dagan dapit sa Provincial Engineering Office.
Sa pikas bahin, matud ni Provincial Warden Apollo Conde, andam nga mohatag og reward nga P10,000 pesos ang Provincial Jail sa makatudlo sa nahimutangan sa nasangpit nga piniriso.