Dili na madayon ang plano nga pagpatuman sa no vaccine no entry sa palingke sumala sa market supervisor 111 inay nga pakusgan nalang ang kampanya alang sa pag pabakuna.
Sa pahayag ni Market Supervisor III Carlito Esclamado gikumperma niini sa Brigada nga dili na ipadayon ang mao nga plano gumikan usab sa mga reaksyon sa mga tawo,gi unhan na sa pagsaway samtang wala pa napatuman ang sugyot sa kapitan sa Barangay South nga si Eliseo Garay.
Gipaklaro ni Esclamado nga sa gihimong meeting milabay nga adlaw nga biyernes anaa ang presensya sa City administrator og ubang opsiyales gikan sa Public Safety Office,usa sa topiko mao ang sugyot nga pagpatuman sa No Vaccine no entry Policy sa merkado.
Ang ikaduhang plano mao nalang sumala pa ang ipatuman,ang paghimo og Vaccination sa palingke sama sa una nila nga gihimo,unya ang ilang himuon kombinsihon ang wala pa naka pabakuna nga magpa bakuna na,gikan sa mga stall owners,vendors og bisan sa mga mebro sa ilang pamilya, I anunsyo lang daw ang tukmang petsa niini.
Kahibaluan nga gisupak sa pipila vendors sa mao nga plano gumikan hinay na ang ilang kita ma limitahan pa ang pagsulod sa mga tawo, gisugyot nila nga pahugtan lang ang pagpatuman sa health protocol.
Samtang gipaboran usab sa presidente sa Consumer Welfare Council ang plano sa Barangay South. I Ver Diazon