SUPORTADO sa kapulisan ang gilusad nga “Task Force Bantay Dalampasigan” nga pormal gi-launch miaging adlaw sa pagpanguna ni Mayor Ronnel Rivera.
Segum ni Police Col.Gilberto Tuzon, city PNP Director sa GenSan ug nagsilbing deputy task force commander sa Task Force Bantay Dalampasigan nga anaa kanunay ang PNP sa pagsuporta sa local government unit, labi na karon nga may bag-ong bahad sa Delta variant.
Alayun niini, gitahasan na ni Tuzon ang mga sakop nga anaay sakop nga coastal barangay sa ilang area of responsibility nga patas-an ang police visibility sa maong lugar ug arestuhon ang mga posibleng unauthorized movements o mga kalapasan sa patakaran.
Lakip sa mga miyembro sa Task Force Bantay Dalampasigan mao ang Army-led Joint Task Force GenSan, Philippine National Police-Maritime Unit 12, Philippine Coast Guard, Philippine Drug Enforcement Agency-12, Bureau of Immigration, Bureau of Quarantine, Bureau of Fisheries and Aquatic Resources City Environment and Natural Resources Office, City Agriculture Office, Liga ng mga Barangay, Philippine Ports Authority ingon man mga barangay councils sa Buayan, Bula, Dadiangas South, Dadiangas West, Labangal, Calumpang, Siguel, ug Tambler.