Kumpiyansa ang Philippine Olympic Committee na mababawi ng Gilas Pilipinas ang gintong medalya sa 2023 Southeast Asian Games sa Cambodia sa Mayo.
Ito ay dahil inaasahan ni POC president Abraham “Bambol” Tolentino na sasabak sa kompetisyon para sa Pilipinas ang import ng Barangay Ginebra na si Justin Brownlee kapag natapos na ang kanyang naturalization.
Naging mahirap sa Pilipinas na makuha ang basketball gold sa SEA Games noong 2022 nang talunin ito ng Indonesia.
Ang panukalang batas sa naturalization ni Brownlee ay inaprubahan na ng Senado sa ikatlo at huling pagbasa nito, at ngayon ay kailangan na lamang ng lagda ni Pangulong Ferdinand Marcos Jr. para maging batas.
Inaasahang matatapos ang proseso para sa SEA Games sa Cambodia, na nakatakda sa Mayo 5 hanggang 17.