Ipinatawag ni Pangulong Ferdinand Bongbong Marcos Jr. para i-convene ang mga miyembro ng Legislative-Executive Development Advisory Council (LEDAC).
Kabilang sa mga LEDAC members ay ang Pangalawang Pangulo, pitong miyembro ng gabinete, tatlong senador, tatlong mambabatas mula sa House of Representatives at mga kinatawan mula sa LGUs, Youth at private sector.
Kabilang sa mga priority measures na inaasahang matatalakay sa LEDAC meeting ay ang National Government Rightsizing Program (NGRP); Budget Modernization Bill; Government Financial Institutions Unified Initiatives to Distressed Enterprises for Economic Recovery (GUIDE) at Unified System of Separation, Retirement and Pension.
Sa usapin ng national security pinag-usapan ang National Defense Act; Mandatory Reserve Officers’ Training Corps (ROTC) at National Service Training Program (NSTP); panukalang pagtatag ng Medical Reserve Corps, National Disease Prevention Management Authority, Virology Institute of the Philippines, at Department of Water Resources.
Kasama din sa LEDAC agenda ang mga batas para sa natural gas industry; pag-amyenda ng Electric Power Industry Reform Act or EPIRA (Republic Act No. 9136) at Build-Operate-Transfer (BOT) Law.
Inaasahan din ipre-presenta nina Senate President Juan Miguel Zubiri at House Speaker Ferdinand Martin Romualdez sa Pangulo ang priority bills ng senado at kamara.
Inaasahan din ang posibleng pag-amyenda ng COVID-19 Vaccination Program Act.
Samantala, hindi naman nakadalo si Interior Secretary Benhur Abalos dahil nagpositibo ito sa COVID-19.
#