Hinikayat ng Manila Internaitonal Airport Authority (MIAA) ang mga nasunugan ng sasakyan sa NAIA Terminal 3 na kaagad na makipag-ugnayan sa kanilang tanggapan.
Ayon sa MIAA – wala pa sa kalahati ng mga car owners ang nakipag-coordinate sa kanila.
Umapela ang pamunuan ng paliparan na lumapit sa kanila para mailapit sa private concessionaire na namamahala sa parking.
Sa hiwalay na liham ng Philippine Skylanders Inc. – tiniyak nilang mababayaran nang sapat ang mga vehicle owners.
Tiniyak din nila ang koordinasyon sa Bureau of Fire Protections (BFP) para sa imbestigasyon.
Sa kabila nito, idiniin nilang ang tulong ay hindi nangangahulugang may pagkukulang sa kanilang operasyon sa loob ng humigit-kumulang dalawang dekada.