LEGAZPI CITY – Nagtutubod an Commission on Elections (COMELEC) Albay na saro an probinsya kan Albay sa mga matoninong na lugar ‘pag nagkakaigwa nin eleksyon.
Ini an ipinahayag ni COMELEC Albay Election Supervisor Ma. Aurea Bo-Bunao sa Brigada News FM Legazpi.
Segun saiya, kun ikukumpara sa iba pang mga probinsya, Albay an nahihiling niya na nagkakaigwa nin matoninong na pirilian.
Nagkakaigwa sana ugaring ki dikit na ribok ta kun may mga magkakaparyentes na nagralaban-laban sa pagkandidato.
Alagad, dawa igwa ki mga arog kaini wara man su boot ki mga karatan.