IBAJAY, AKLAN—Pormal nga ginturn-over it Philippine Coconut Authority (PCA) do Php 17 million pesos nga pondo para sa igapatindog nga processing facility it virgin coconut oil (VCO) sa banwa it Ibajay, Aklan.
Suno kay Mr. Jeffrey delos Reyes, Regional Manager III it PCA Western Visayas, do Ibajay hay do nagaisahanon nga banwa sa bilog nga Region 6 nga gintaw-an it pondo sa pagpaobra it nasambit nga pasilidad.
Padayon sigon nga nagasaka do demand it VCO sa merkado ag bisan si Cabinet Secretary Karlo Nograles hay gin-endorso raya nga nakakabulig sa pagpabaskog it immune system.
Samtang, tinutuyo man it proyekto nga mas pang maging mauswag do industriya it coconut farming sa Aklan kung siin do Ibajay do ginakabig nga may pinakamaabong plantasyon it niyog. // SHERRY ANNE REUNIR-VIDAL