Babawasan ng Polytechnic University of the Philippines (PUP) ang kanilang on-site workforce mula January 10 hanggang 16.
Ipinaliwanag ng unibersidad na dahil ito sa pagsipa ng positive COVID-19 cases.
Ipinunto rin ng PUP na marami sa kanilang mga estudyante at empleyado ang nakikitaan ng COVID-19 at flu-like symptoms.
Inabisuhan naman ng unibersidad ang mga kliyente nito na may aprubadong appointments na iurong na lamang ito sa ibang petsa o simula sa January 17.
Hinimok rin nila ang kanilang mga kliyente na gamitin ang online systems ng PUP o kontakin sila sa pamamagitan ng email na makikita sa www.pup.edu.ph/about/contactinformation.
