Nakahatag sang dako nga problema sa sector sang pangabudlay sa isyu sang saka sa sweldo ang padayon nga pagpatuman sang hugot nga quarantine classification dul-ong sang pandemya dulot sang Coronavirus.
Ginpahayag ni Wennie Sancho ang Secretary General sang General Alliance of Workers Association ukon GAWA sadtong nagligad nga pagsinapol, Agosto 12 sang regional wage board sa Western Visayas, ila ginpresentar sa tunga sang mga miembro nga desisyunan ang isyu natuhoy sa saka sa sweldo sang mga mamumugon sa diin sandig sa iya mintras nagadugay kag nagalawig ang lakat sang panahon ginapalawig man ang gina-experyensya nga kabudlayan kag pag-antos sang mga trabahante.
Gin-ako ni Sancho, ang sa karon nga pandemya amo ang naghatag sang kabug-atan kun nga-a indi mapasar, ma-aprubahan ang isyu sang wage increase sa rehiyun.
Sandig sa iya bangud sang Covid-19, paano maduso kag mapatuhan ang saka kay bisan ang mga kumpaniya kag mga establishemento ang nagapanira sang ila nga operasyon nga ginatumaan sang lapnagon nga un-employment, retrenchment.