Gibutyag ni Mackie Macalipes, head sa Davao City Economic Enterprises (CEE) nga walay kausaban sa rate nga ginapatuman sa bag-ong giabrihan nga Agdao Farmers market.
Dugang pa ni Macalipes nga ang mga stalls sa bag-ong palengke ang mas dako itandi sa daan, apan mao ra gihapon ang rate niini subay sa existing ordinance alang sa meat, dressed chick, fish, variety, ug dry goods nga mga stalls.
Dunay 126 ka mga stalls sa fish section, 80 sa meat ug 20 sa dressed chicken sa Agdao Farmers Market.
Una nang gibalhin ang 60 ka mga stalls gikan sa daan nga palengke ngadto sa farmers market aron masayran ang mga bakante pang stalls.
Wala pa hinoon gianunsyo sa CEE kanus-a ang sunod nga raffling schedule alang sa mga interesadong tenants.