MITAAS pa sa 9,686 ang total recoveries sa COVID-19 sa region-12 tungod sa dugang 218 ka bag-ong nakarekober sa maong sakit sukad miaging adlaw, June 2 subay sa update sa DOH-12.
Sa bag-ong nakarekober, ang Sarangani Province adunay 83, GenSan adunay 65, South Cotabato sa 63 ug Sultan Kudarat sa pito.
Misaka pa usab sa 12, 772 ang total cases sa maong sakit sa rehiyon tungod sa 250 ka new confirmed cases.
Sa bag-ong nagpositibo, ang South Cotabato adunay 95, Sultan Kudarat sa 89, GenSan sa 65 ug 10 sa Sarangani Province.
Unom ang nadugang sa ihap sa mga namatay sa maong sakit hinungdan mikabat na sa 397 ang total deaths asa lima gikan sa South Cotabato ug usa gikan sa GenSan.
Kasamtangan mokabat sa 2,687 ang aktibong kaso sa COVID-19 sa region-12 asa ang South Cotabato adunay 849, GenSan sa 702, North Cotabato sa 515, Sultan Kudarat sa 351 ug Sarangani Province sa 270 ka aktibong kaso.