WALA natala nga kaso sa online sexual exploitation of children ang Regional Anti- Cybercrime Unit (RACU) 12 sa Soccsksargen.
Matud ni PLt.Col. Junny Buenacosa, Chief sa RACU-12 base sa gihimong monitoring ug rekord pipila na katuig ang milabay wala silay nadawat nga reklamo kalabut niini.
Wala sumala pa nakatampo ang RACU-12 sa datus nga una nang gigawas sa Inter- Agency Council Against Trafficking nakatala sila og 1.2 milyon nga tips kalabut sa iligal nga aktibidad atong 2020. Sa nahinumduman niini nakahimo og operasyon ang RACU-12 atong 2017 sa GenSan.
Asa pipila ka indibidwal ang nasikop dungan sa reklamong online child exploitation apan dugay na silang wala nakadawat og samang reklamo. Luyo niini, gisiguro ni Buenacosa nga padayon nilang gimonitor ang maong iligal nga aktibidad asa bata ang kanunay nga biktima.
Samtang sa taho sa Philippine Internet Crimes Against Children Center o PICACC ug sa NBI’s Anti-Human Trafficking Division atong 20202 nakitaan nila og pagsaka ang ihap sa kaso niini.
Sa taho sa PICACC nakatala sila og 58 ka operasyon atong 2020 tandi sa 36 atong 2019 sa operasyon 35 katao ang nasikop samtang 172 ang naluwas. ( Richel Gubalani)