MALIKAYAN na ang mga misencounter ug miscommunication sa kapulisan ug PDEA sa ilang anti illegal drug operations tungod sa unified coordination guidelines.
Kini ang gibutyag ni Naravy Duquiatan, regional director sa PDEA-12 nga pirmado sa ilang labaw nga si PDEA Director Wilkens Villanueva ug PNP Chief Police Gen.Guillermo Eleazar niadtong July 9 ang joint memorandum circulat human sa insidente sa misencounter sa ilang operasyon.
Ang maong lakang nagtumong nga mapahapsay ang operasyon batok ginadiling druga ug mapalambo pa ang kampanya sa gobyerno batok sa maong problema.
May mahimong sumbanan na, koordinasyon sa matag ahensya ug hugot kining ipatuman ug munituron.
Mahimo usab makahimo og anti drug operations ang NBI, AFP ug Customs apan kinahanglang may coordination sa PDEA ug PNP.
Dugang ni Duquiatan sa region-12 nagpabiling lig-on ang relasyon sa PDEA ug PNP ug mas gipakusog pa tungod sa maong guidelines.
Sa maong guidelines kinahanglan nga mag-coordinate sila sa usag usa bag-o ang anti drug operations tungod kung dili lagmit matud pa nga kini ang mahimong hinungdan nga dili mulampos ang maong kampanya sa gobyerno.