NAGDAWAT na og rehistrasyon sae dad 15-anyos paatas ang Fixed Registration Center-Sarangani General Santos (FRC SarGen) alang sa Philippine Identification System (PhilSys). Ang FRC-Sar-Gen ang nahimutang sa E.J. Yomon Building sa Santiago Boulevard sa Barangay Lagao ning dakbayan.
Abli ang rehistrasyon gikan Lunes hangtud Sabado alas-7 sa buntag hangtud alas-5 sa hapon gawas kung national holidays. Apan sarado ang rehistrasyon sa Christmas Day, New Year’s Day, Holy Week, Labor Day, Eid al-Fitr, Eid Al-Adha, ug All Saints Day.” Sa dugang impormasyon mahimong mokantak sa PhilSys numbers 09661726772 (Globe) o 09692055146 (Smart).
Sa mga nakahuman na sa step 1 demographic sign-up, either online o house-to-house, ang prayoridad sa registration. Gitugotan ang walk-ins o wala pa nakasugod sa pagparehistro apan maatiman lang kung dunay step 2 applicante ang wala mipatim-aw sa iyang appointments.
Gisugo usab sa FRC-SarGen team ang hugot nga pag-obserba sa health ug saferty protocols sama sa social distancing. Gipahimangnoan usab ang mga Step 2 registrant’s nga dili magsul-ob og make up, accessories mogamit og contact lenses. Ang magparehistro alang sa Philippine Identification (PhilID) card o national ID ang dili atimanon kung nakasuot og sleeveless top o sando.
Magdala og ballpen, alcohol ug valid ID o ubang dokumento. Gipirmahan ni Pangulong Rodrigo Duterte atong Agosto, 2018. Ang Republic Act 11055 o Philippine Identification System Act, tumong makaangkon og nag-inusarang national ID ang tanang residente sa nasud. (Richel Gubalani)