GITIMBAYA ni Brigada Elmer V.Catulpos si Nonito Donaire Jr. sa kadaugan niini batok kang Reymart Gaballo sa panagsangka sa duha ka Pinoy boxer sa Amerika adlawng Dominggo.
Mismo si Catulpos nakasaksi live sa away sa ring sa duha ka boksingero nga parehong Bisaya ug parehong taga GenSan.
Matud niini nga dako ang iyang respeto ug pagmahal kang Gaballo ug sa SanMan Promotions sa gipakita niini nga kadako sa iyang kasing kasing sa pagsulay nga masakmit ang WBC bamtamweight belt.
Si Reymart usa ka Brigada brand carrier sukad pa sa una, dala niini ang karakter sa usa ka mapahiubsanon apan kuyaw nga fighter.
Luyo sa tinguha nga modaug, labaw nga importante ang mapakita sa usa ka fighter ang karakter sama ni Reymart, dunay kasingkasing ug kaalam apan dili masigarbuhon.
Alang kang Brigada Elmer nga si Reymart ang kampeon ug mibilib sa maayong pamatasan usab ni Nonito dihang gigakos ang kababayan nga si Reymart dihang wala dayon makatindog.
Ang duha segun ni Catulpos mihatag og honor and glory kanatong mga Pilipino.