Liwat nga ginhinalaan sa ikaapat nga sinapol sang Inter-Agency Committee (IAC) kag Technical Working Group (TWG) for Rationalization of Dredging Activities in the Heavily- silted River Channels ang pagahiwaton nga River Dredging sa probinsya sang Capiz.
Suno kay Gov. Fredenil Castro, ginpatawag sini ang nasambitan sinapol bangud nagapadulong na ang tig-ululan nga isa sa mga rason sang pagbaha kag nagahatag sang kalbaryo sa pumuluyo.
Nagpangayo ang gobernador sang bulig sa sa tanan agud gilayon na nga masuguran ang pagkutkut sa mga kasubaan sa probinsya para malikawan ang pag-awas sang tubig baha.
Ginhinyo man sini nga ilatag na sa mga possible dredgers ang tanan nga pagsulundan kag iban pa nga mahimo irekomendar sa pagahiwaton nga aktibidad.
Ginpresentar sa sinapol ang mapa sang mga mayor nga suba sa probinsya, subong man ang guidelines sa permit application para sa dredging kag ang pagapatigayunon nga Workshop for the River Dredging Zoning. | KMD Gicalde