Dinepensahan ni House Speaker Martin Romualdez ang ginawa ng kanyang pinsan na si Pangulong Bongbong Marcos na pagdalo sa isang Formula 1 Grand Prix event sa Singapore.
Sa panayam kay Romualdez matapos ‘HRep Month’, sinabi niyang tumugon lamang sila sa imbitasyon ng Singaporean Prime Minister.
Makasisiguro umano ang publiko na mayroong tinalakay na mga foreign investments sa naturang event.
‘They may not have been aware of the details but there’s been a lot of goodwill. When the Prime Minister of the country where you derive the most foreign direct investments are mixed…in the invitation’ paliwanag ni Romualdez.
Aniya, naging mabuti ang mga ginagawang engagements ni Marcos para sa international business community, at ang kontrobersyal na pagbisita sa Singapore noong weekend ay bahagi nito.
Naniniwala naman ang ilang mga mambabatas na maaaring silipin at siyasatin sa Kamara ang naturang trip ng Pangulo.
Para kay Liberal Party president Albay Rep. Edcel Lagman, karapatan ng publiko na malaman kung ang ginastos ba ni Marcos sa Singapore ay pera ng bayan.
‘No amount of justification that the President was able to talk to some foreign officials at the sideline of the racetrack will diminish the flawed principal purpose of the trip to watch Formula 1 racers even as Filipinos race for survival under the onslaught of escalating inflation’ ani Lagman.
#
RELATED STORIES:
Palasyo dumipensa sa Singapore trip ni PBBM para manood ng Formula 1 Grand Prix