Nagaplano ang City Council sang syudad sang Roxas nga magdugang sang lima ka piso nga plete sa trisikol sa una nga duha ka kilometros nga byahe.
Matandaan nga sang tuig 2020 ginpasa ang ordinansa nga P10 ang suktanay sa una nga 1KM nga byahe sang tricycle kag magadugang sang P5 sa succeeding kilometers.
Sa ginhiwat nga community hearing, gin-propose man ang pagdugang sang penalidad sa mga abusado nga trisikol drayber kasubong sang overpricing, kag pagpamalibad sa pasahero.
Yara man sa hearing ang presensya sang mga TODA representatives, mga presidente, kag mga sektor agud makahatag sang dugang nga suhestyon natuhoy pagbaylo sang taripa.| Frances Joy Preciosa