Nagpaabot it pagpasaeamat ro konseho it banwang Kalibo sa mga kongresista it nasyun matapos nga nangin laye eon ro kasuguan nga nagamandu sa mga pribadong kompanya nga taw-an it kahigayunan nga makatrabaho ro mga Senior Citizens kamana man ro pagta-o pa gid it insentibo sa mga pribadong negosyo nga magabaton kanda.
Sa Resolusyon nga gin-aprubahan it Konseho, ginpa-abot ni SB Member Augusto Tolentino ro pagpasaeamat kanday Representatives Joey Salceda, Chairperson it House Committee on Ways and Means ag Erwin Tulfo it ACT Party-list mga nangin responsable sa pagka-apruba it rondayang laye.
Nakabaehag sa nasambit nga laye nga ro mga Senior Citizens nga makasarang ag gusto pa nga mag-trabaho, hay pagataw-an ku Department of Labor and Employment pinaagi sa Public Employment Service Office.
Ro mga Government Agencies ag Private Entities man hay kinahangean maghimo it Employment Opportunities sa mga kwalipikado, may kapasidad ag interes nga mag-trabaho.
Ro mga pribadong kompanya man hay makabaton it 25% Tax Reduction halin sa kabilugan nga sweldo, benipisyo ag training sa mga Senior Citizens. // ANN DESLENE SALAZAR