GISAKA sa PNP-Aviation Security Group (PNP-AVESGROUP) ang seguridad sa palibot sa General Santos City airport, tungod sa gilaomang dagsa sa mga pasahero sa Lenten break. Naka -heightened alert ang mga otoridad alang sa gilaoman pa nga daghang volume sa pasahero sa mosunod nga mga adlaw. Gidungagan sa Avesgroup ang ilang mga sakop nga nagbantaya sa seguridad sa palibot sa nasangpit nga paluparan sa siyudad.
Matud ni Police Major Rommel Hitalia, labaw sa PNP-AVESGROUP prayoridad nila ang seguridad sa mga tawo nga mogawas ug mobalik sa gensan.
Nakitan usab ni Gwendolyn Repnos, taga glan, sarangani province ang kahugot sa seguridad nga gipatuman sa airport, dungan sa iyang pag-abot gikan sa airport padulong sa manila. Sa bahin usab sa usa ka empleyado sa gobyerno, tungod holy week ug long weekend, magbakasyon kini kauban ang pamilya gawas sa nasud.
Gipailawom usab sa Civil Aviation Authority of the Philippines (CAAP) sa taas nga alerto ang paluparan gikan Abril 2 hangtud na 10, 2023. Samtang sa bahin sa airlines company nga nag-operate sa gensan sama sa Cebu Pacific, gilaoman nilang mosaka ang ihap sa mga pasahero karong mahal nga adlaw ug andam usab modugang og flights kung kinahanglan. I Richel Gubalani