GIMUGNA ni GenSan City Mayor Lorelie Pacquiao ang composite team dungan sa pag-obserba sa Mahal nga Adlaw.
Namugna kini dungan sa pakigpulong sa mayor ngadto sa kapulisan sa pagpanguna ni PCol. Jomar Alexis Yap, city police director sa General Santos City Police Office (GSCPO).
Langkuban ang team sa kapulisan, Joint Task Force GenSan, Bureau of Fire Protection (BFP), Philippine Coast Guard (PCG), ug uban pang law enforcement unit.
Tumong niini ang masiguro nga luwas ang publiko labi sa pag-obserba sa Mahal nga adlaw Sa bahin sa kapulisan, gawas sa pagbutang og police assistance desk sa mga malls, simbahan, beach resorts ug terminal, nagmuntar usab kini og motorist assistance center.
Ang assistance center ang butangan usab og sakop gikan sa City Health Office ug mga force multiplier. Duna usab gimuntar nga assistance desk sa mga tourist spot sa GenSan sama sa Sanchez peak nga gilaomang dagsaon sa publiko. Naglaom si Yap nga mahimong malinawon ang pag-obserba sa mga Katoliko sa Semana Santa. I Richel Gubalani