Patal nga tama sa dughan ro nagpatay sa 61 anyos nga biktima nga ginkilaea nga si Ledia Bainggan it Sitio Tigbao-Tupas, Barangay Pili, Ajuy, Iloilo.
Sa imbestigasyon it Ajuy Municipal Police Station, nagguwa eamang sa baeay ro biktima bangud sa mga ayam kat bigla eun eamang raya nga ginbaril it uwa pa nakilaea nga suspek.
Sa makara, indi pa masayuran ro identity it suspek bangud padayon pa ro debriefing it Municipal Social Welfare and Development Office (MSWDO) sa an-um ka dag-on nga apo it biktima bangud ginapatihan nga na-trauma raya sa natabo nga krimen.
Padayon man ro imbestigasyon it mga otridad sa insidente./JIL B. LACSON