Maka alarma eon ru serye it paeanakawan it motorsiklo nga gina park sa mga karsadahon sa pilang ka mga lugar sa probinsya’t Aklan.
Base sa initial nga report it Kalibo MPS sa makarong buean it Setyembre, 2 ka mga motorsiklo ru tinakaw nga naka park sa prente it panimaeay sa D. Maagma St. Kalibo ag sa Oyotorong St. kalibo.
Samtang, 1 sa 2 mga motorsiklo hay narecover sa Banga matapos abandunahon it suspek nga sangka menor de edad.
Samtang, narecover man ru motorsiklo sa suspek nga sangka wanted person pina agi sa pag serbe it warrant of arrest sa kasong carnapping nga kunsiin,nadiskobrehan nga ru gina maneho nga motrorsiklo hay tinakawan.
Sa pihak nga bahin, sangka estudyante man ru tinakawan it motorsiklo nga gin abandona man it suspek sa sangka lugar sa nasambit nga banwa.//MARIVIC Y. ILIN