Nisirit ug saka ang presyo sa shabu sa Davao City gumikan sa ubos nga supply ug hugot nga siguridad.
Sumala sa Philippine Drug Enforcement Agency – Davao Region (PDEA-11), gikan sa P6, 800 matag gramo nga street price sa illegal substance, nisutoy ug saka ang presyo ngadto na sa PHP16,000 matag gramo.
Matud ni PDEA-11 spokesperson Noli Dimaandal, nagnihit karon ang supply sa illegal drugs dinhi sa syudad tungod naglisod ang mga pushers sa pagpayuhot niini pasulod dinhi sa Davao City.
Ang pagtinabangay sa Task Force Davao (TFD) ug Philippine National Police sa mga checkpoints sa Davao maoy hinungdan nga naglisod sila sa pag agi pasulod dinhi sa syudad.
Ang TFD ug ang Davao City Police Office nakakumpiska ug 1.1 kilograms sa shabu nga nagkantid ug PHP18.2 million gikan sa 2 ka mga suspek sa checkpoint sa Sirawan, Toril ning nilabayng bulan.
Dugang hinungdan sa ubos nga supply sa illegal drugs ang matud pa pagtinabangay tali law enforcers ug mga katawhan.
Sa talaan sa PDEA-11,937 sa 1,162 ka mga barangay sa Davao Region ang nasuta nga drug cleared na.