Base sa pinakaulihi nga datos it siyudad, nakarekord ro Iloilo City it 111 active cases it mga unga nga gintamaan it COVID-19.
Sa nasambitan nga numero, tatlo dikara hay mga eapsag, tatlo man ro nagaka-edad it sangka dag-on, ag tatlo man hay nagaka-edad it daywang dag-on.
Sa total, may 995 nga mga unga ro nagpositibo sa siyudad it Iloilo.
Base kay Iloilo City Mayor Jerry Treñas, ginahueat pa nanda ro go-signal it IATF agud mabakunahan ro mga unga nga 11-anyos hasta 17-anyos.
Nagapanawagan man ro Alkalde sa mga pumueoyo it Iloilo nga magduhong lang anay sa andang mga panimaeay kung uwa man it importante nga panawan agud malikawan ro pagtaas it kaso it COVID -19./JIL B. LACSON