NAKATALA og pito ka kaso sa Covid-19 Delta variant ang rehiyon-12 base sa kumpirmasyon sa Department of Health (DOH).
Base sa datus, gikumpirma nga nadungagan og 466 ang local cases asa ang 201 ang narekord sa National Capital Region. Samtang naa sa 69 cases ang natala sa Region 3, 52 sa Region 6, 49 sa Region 4A, 19 sa Region 7, 14 sa Region 4B, 11 sa Region 11, tig pito sa Region 2 ug Region 12, unom sa Region 10, upat sa Region 5 ug tulo sa Region 1.
Naa sa 14 sa nasangpit nga Delta cases mao ang returning overseas Filipinos samtang 10 na ang giberipika pa. Tungod niini, misaka na sa 1,273 ang overall case count sa mas makatakod nga virus sa nasud. Sa rehiyon, wala pay gipagula nga opisyal nga pamahayag ang pangulohan sa DOH-12 kalabut sa maong numbero sa kaso.
Una nang, namahayag ang pipila ka mga opisyal sa lokal nga panggamhanan sa rehiyon nga gipakusgan nila ang seguridad batok sa orihinal ug sa bag-ong variant. ( Richel Gubalani)