GITUGUTAN na sa LGU-GenSan ang outdoor non contact sports ug uban pang matang sa ehersisyo lakip zumba.
Subay kini sa Executive Order number 35 nga gipagawas sa LGU-GenSan bag-uhay lamang.
Luyo niini, hugot gihapong ipatuman ang minimum public health standards ug walay sharing sa mga equipment.
Kinahanglan usab nga ipahigayon ang non contact sports ug exercises sa open spaces sama sa plaza ug covered court asa adunay proper ventilation.
Sa pagpahigayon sa zumba kinahanglan nga anaa open spaces o covererd court apan anaa sa 30 percent ang maximum capacity alang sa 3 meters minimum distance sa kada usa.
Kung ang zumba ipahigayon sa covered court sa barangay o gymnasium, kinahanglan mo-secure una ang organizers og pagtugot sa barangay. Tugutan usab alang sa outdoor non contact sports ug ubang matang sa exercises ang nag-edad og 18 anyos pataas ug 65-anyos paubos.