NANAWAGAN og panaghiusa angDepartment of Trade and Industry (DTI) sa sektor sa agrikultura arun matubag ang kakulangon sa raw materials sa weaving sa Davao Region.
Sumala pa nga pipila ka mga lugar sa Davao region ang nakasinati og problema sa kalidad sa abaca samtang nasayran nga ang uban niini, dili na mabaligya.
Sumala ni Undersecretary Rafaelita Aldaba sa DTI Competitiveness and Innovation Group atol sa nahitabong duha ka adlaw’ng Davao Weaving Congress nga gilusad og balik human sa 22 ka tuig ning nakalabay’ng adlaw, aron mapalambo ang produksyon sa abaca lakip ang sektor sa agrikultura ug mapalapad ang mga lugar diin gitamnan sa mga abaca products, makigtambayayong sila sa Department of Agriculture (DA), National Commission for Culture and the Arts (NCCA), ug Philippine Fiber Industry Development Authority (PhilFIDA).
Sumala pa ni DTI-XI Regional Director Maria Belenda Ambi nga aron matubag ang mga hagit sa kakulangon sa raw materials, kinahanglan nga aduna kini support programs arun mas mapadaghan ug mapalambo pa kini.
Aron nga mas mapalambo sab ang kita, gisugyot sa opisyal nga ikonekta kini sa fashion design ug textile sa weaving products ingon man ang agricultural sector sama sa mga mag-uuma ug mga negosyante.