May dati eon nga record sa mga kapulisan ru naaresto nga suspek sa pagpanakaw sa Oyotorong St.,Kalibo, Aklan.
Sa interview kay PMaj Willian Aguirre ng Kalibo MPS, gin kilaea ru suspek nga si Jore Mae Arsaga, 19 anyos, ag residente it Brgy. Maray, Bugasong, Antique.
Modus operande it suspek hay naga pang lito, gina salisihan ag kun maka tiempo paga takawon r kwarta it mabiktima.
Nagpanawagan si PMAJ Willian Aguirre sa mga nabiktima it suspek na maga pasaka it kaso ag dmapondo eon ru modus operande kara.
Dugang pa ni Aguirre, nag-angkon sanda it coordination sa Antique Police Provincial Office (APPO) para sa dugang nga imbistigasyon sa suspek.
Una eon sigun nga gin dakup it Kalibo MPS ru suspek sa gin himong hot pursuit operation ku nagtaliwan nga Kalibo Ati-atihan Festival matapos mabe-an it kwarta ru ang mga nabiktima.
Base sa record it Kalibo MPS, si Arsaga hay kilaea eon it mga kapulisan dahil sa reklamong pagpanakaw at sambilog kara sa mga natabu-an hay sa Bayanihan Road, Kalibo; Toting Reyes St., Kalibo; Captiol Site, Kalibo; ag ku lihi hay sa Oyotorong St., Kalibo, Aklan.
Uwa eon pagkashi ru suspek sa unang mga nabiktima kara dahil pumerma sanda it non-interest to file case apang ru lihing nabiktima hay haum nga maga pasaka it kaso.//MARIVIC Y. ILIN