LEGAZPI CITY – Nadakop na kan mga otoridad an 19 anyos na lalaking suspek sa panghahabon nin motorsiklo sa Doña Maria Subdivision, Brgy. Tagas, Daraga, Albay kan Nobyembre 12.
Binsito ining si alyas “Axiel”, residente kan Brgy. 28, Victory Village, Legazpi City asin presenteng nakaistar sa Brgy. Tagas.
Nagpasiring sa saindang hepatura an tagsadiri kan motorsiklo nganing i-report an nawawarang behikulo na nagkakatidad nin labi PHP200,000.
Tulos man na inalerto an gabos na hepatura na hanapon an motorsiklo.
Sa follow-up na imbestigasyon kan PNP, nakua an motorsiklo asin nadakop man an suspek sa Victory Village.
Nagkondusir man nin body search sa suspek sa hepatura asin n nakuwaan ini nin tulong pidaso nin pigtutubudang shabu asin non-drug items.
Nahahampang ini sa kasong carnapping asin may kinaraman sa ilegal na droga.
Kapot na ini kan nasambit na hepatura para sa magkakanigong disposisyon.