Nabiktima it scammer ru sangka negosyante sa Kalibo matapos mabuoe ru One Time Password (OTP) habnag nakikipag transaction sa on-line.
Sa report it Kalibo MPS, nakilaea ru biktima nga si Roberta Mateo, 52 anyos ag residente it Magdalena Village Brgy. New Buswang, Kalibo, Aklan.
Nabue-an it P38K nga kwarta ru biktima matapos makipag estorya sa cellphi=one it nag pakialeang agent it bangko nga naka base sa Makati.
Nag-imporma ru eaeaking agent nga na-wave na ru deduction it yearly maintenance sa credit card it biktima rason nga gin refer it suspek sa manager it bangko.
Ikara nag kampante ru biktima matapos ingganyuhon nga makabatonit reward sa pagiging outstanding records sa bangko.
Bangud kara, gin buksan ru account it biktima matapos maka down load it mobile application ag dayon gin paubra it panibag-ong account ag dikara napan-uhan nga ru dating account nga naka save nga indi eon ma access.
Sa uwa mag buhay, naka baton it OTP ru biktima ag gin send sa nag pakilaeang manager ag naka auto-save eon ru password.
Eagi nga gin check ru account sa bangko it biktima ag ikara nasayuran nga na withdraw it may kapin sa daywang besis sa balor nga P19K.//MARIVCI Y. ILIN