NAGPASIBAW na usab sa ilang kabalaka ang taga hotel nga gihimong quarantine facility sa kampanya batok COVID-19 sa Local Government Unit sa General Santos City.
Kabalaka nga dili mabayran sa hingpit ang tanan nilang singlunon sa dihang daghan pa ang kaso sa virus mao nga subli na usab nga ni-angal sa Brigada.
Sa kumpermasyon sa nagpailang Jerry usa ka hotel officer katulo ka higayon na nga nakadawat siya og bayad pinaagi sa tseke alang sa ilang serbisyo apan aduna pay nahibilin nga P1.6 million pesos.
Sa ulahi niini nga pag-adto sa City hall walay impormasyon kon kanus-a ang sunod nga bayad sa ilang serbisyo, nabalaka nalang siya nga basin wala nay pondo ang LGU Gensan.
Mao nga subli na usab nga gipaabot sa taga hotel ang ilang sitwasyon sa Brigada aron masusi kon mabayaran pa sila sa dugay nga nila ginasingil.
Gidugang ni Jerry nga sa karon wala na usab sila nadawat nga makwarantina kay wala may gidala ang taga City Health Office.
Gipahibalo na usab nila sa taga Department of Tourism kon DOT ang sitwasyon mao nga gitugotan na sila nga modawat og walk-in nga kliyente sa hotel.
Samtang gisusi na sa labaw sa City Budget ang impormasyon nga gipaabot sa taga hotel aron masuta kon may pondo o wala alang sa ilang ginasingil sa syudad. I Ver Diazon