Naninahan ro tatlong katawo sa pagbangga it motorsiklo sa sangka tricycle sa may Brgy. Linabuan Sur, Banga, Aklan.
Ginkilaea ro driver it tricycle nga si Francisco Repiedad, 70 anyos ag residente it Brgy. Linabuan Norte, Kalibo, samtang ro driver it motorsiklo nga nasayuran nga hilong hay ginkilaea nga si Inocencio Gumban 45yo nga taga Brgy. Lapnag, Banga, Aklan.
Sa report, parehung padueong it banwa it Banga ro motorsiklo ag tricycle.
Pero gulpi segun nga nag-menor ag nag u-turn ro tricycle rasun agud bumangga ro nasambit nga motorsiklo.
Bangud kara, sumemplang sa andang motorsiklo si Gumban ag ro angkas kara, samtang inapok man si Repiedad sa anang tricycle.
Sa makarun hay parehung naka-confine sa ospital ro tatlo samtang padayun ro imbestigasyun it traffic section it Banga MPS sa natabo. / ANN DESLENE SALAZAR