KORONADAL CITY- LUMAGDA sa isang Memorandum of Agreement o MOA ang Technical Education and Skills Development Authority o TESDA Region 12 at Commission on Population and Development POPCOM 12.
Ito ay kaugnay sa pagsusulong at pagsasagawa ng Adolescent Health and Development (AHD) programs for Responsible Parenthood and Family Planning (RPFP) sa mga enrollees sa lahat ng TESDA centers sa Soccsksargen Region.
Ang MOA signing ay pinangunahan nina TESDA 12 Regional Director Rafael Abrogar II at POPCOM 12 Regional Director Desiree Concepcion Garganian.
Napag-alaman na bubuo ng integrated work plan ang naturang mga ahensya para sa pagpapatupad ng AHD programs sa lahat ng TESDA Centers kung saan bibigyan nito ng prayoridad ang mga mahihirap na mga kababaihan sa mga Geographically Isolated and Disadvantaged areas at mga munisipyo sa rehiyon.
Sa bawat TESDA Training Induction Program, magsasagawa ng lectures ang mga speakers mula sa POPCOM.
