Naghatag sang paathag ang traffic enforcer nga ginreklamo sang isa ka netizen nga bastos, wala sang disiplina kag ginaalegar nagpangsakit sang isa ka motorista nga babayi nga naglapas sa No Helmet, No Driving Ordinance sang syudad.
Sa interview sang Brigada News FM Roxas kay Roberto Badiana, iya ginpahayag nga indi matuod ang alegasyon sang babayi nga nagreklamo sa iya bangud luyag lamang niya nga papundohon ang motorista rason nga nagsensyas ini sang stop.
Suno kay Badiana, gin-alalayan lamang niya nga magpahigad ang driver sang motor nga iya ginadakop apang ini ang nagdaretso kag nagpalagyo.
Dugang pa sini ang nagreklamo sa iya amo ang babayi nga nagatindog sa iya atubang kun sa diin siya ang ginminulay kag ginpakahuy-an sa mga tawo sa palibot.
Ginpahayag ni Badiana, nga kun iya ginkasing ang motorista tani ini mismo ang nagrelamo.
Nahibaluan nga may yara sang deperensya sa paminsaron ang tagreklamo base man sa mga nakakilala diri.
Nakaabot naman sa igtalupangod sa pamunuan sang Traffic Management Unit ang natabo.
Nagpasugot nalang nga magparecord sa kapulisan si Badiana agud wala na sang damo nga gamo ang tagreklamo.
Nagpangabay man si Badiana sa mga motorista nga magsuksok gid sang helmet agud malikawan nga madakpan bangud sila ang nagahimo lamang sang ila katungdanan. | Judy Ann Juare