Owa eon it kabuhi kat nasapwan ro sangka transgender sa ginadayunan karang appartel sa may Station 3 Brgy. Manocmanoc sa isla it Boracay.
Sa report, nakit-an eon lang raya it anang mga kaibahan nga patay eon sa sueod it anang kwarto.
Ro transgender hay native it Brgy. Manggahan Camarin, Caloocan City ag nagabakasyun sa isla.
Insigida man nga rumesponde ro mga kapulisan sa lugar ag ro Malay Municipal Health Office.
Kat ipaidaeum segun raya sa rapid antigen test hay nagpositibo raya sa covid-19.
Samtang, igapaidaeum pa sa confirmatory test ro nasambit nga resulta para makumpirma kung positibo gid man raya sa nasambit nga virus.
Sa makarun hay naka quarantine eon ro anang mga kaibahan kamana man ro anang naging close contact. / ANN DESLENE SALAZAR