Kinasuhan eon it frustrated murder ru suspek sa pag pang buno sa daywang (2) mga persona nga parehong nag-atender eamang it birthday celebration sa Purok 6 Brgy. Bulwang, Numancia, Aklan.
Kulong sa makaron sa Numancia Municipal Police Station ru suspek nga si Eddie Carillo, 18 anyos it nasambit man nga lugar.
Samtang, sa mayad eon nga sitwasyon sa hospital ru mga biktima nga sanday Dan Testa, 24 anyos ag Erron Cipriano, 20 anyos, tanan, mga residente man it nasambit nga lugar.
Naka angkon it mainit nga argumento sa tunga it suspek ag si certain Rod Reyes rason nga nag pacify sa kaguluhan si Testa apang dalawang besis nga gin buno it suspek sa dughan.
Nagbulig eamang sa pag pacify si Cipriano ag ikara daplis man nga nabun-an sa dughan. //MARIVIC Y. ILIN